Sasseks hersoqiniyası Meqan Markl tarixdən gələn nüfuzlu qadınların nümunəsindən ilham alaraq, 12 yaşlı qızın sərgüzəştləri haqqında çoxseriyalı cizgi filminə prodüsserlik edəcək.

Bu barədə “Daily Mail” xəbər yayıb.

Cizgi filmi “Netflix” platformasında yayımlanacaq.

Aktrisa ilə birlikdə rejissor David Furniş də layihənin yaradıcı və icraçı prodüseri olacaq.

Furnişin sözlərinə görə, cizgi serialı fantaziya və hekayəni birləşdirəcək. Süjet həyatın gündəlik çətinliklərini aşmağa çalışan 12 yaşlı qızın sərgüzəştləri barədədir.

Güclü qadınlar arasında Şahzadə Harrinin anası mərhum Şahzadə Diananın olub-olmadığı hələ məlum deyil.

Qeyd edək ki, D.Ferniş Şahzadə Diananın yaxın dostu olub.