“Mən bunu etdim! “Gold Media Awards” mərasimində “Dünya Yıldızı” nominasiyasında qalib oldum. Bu tədbirdə iştirak etmək imkanına görə təşkilatçılara çox minnətdaram” .

Publika.az xəbər verir ki, bu sözləri Azərbaycanı 2021-ci ildə “Eurovision” mahnı müsabiqəsində təmsil edən müğənni Samirə Əfəndi deyib.

Sənətçi bildirib ki, bu uğurunu dinləyicilərinə borcludur: “Bu, bizim ümumi qələbəmizdir, çünki bütün bu müddət ərzində siz, mənim dinləyicilərim həmişə məni dəstəkləmisiniz. Buna görədə sizə öz təşəkkürümü bildirmək istəyirəm!”

Müğənni tədbir üçün seçdiyi qısa və qızılı rəngli səhnə kostyumu ilə xüsusilə diqqət çəkib.