Məşhur ingilis rok qrupu "Skunk Anansie"nin solisti Skin İstanbulda az əvvəl 5 nəfərin ölümü ilə nəticələn terror zamanı orada olduğunu yazıb.

Axşam.az-ın Türkiyə mətbuatına istinadən məlumatına görə, həmin vaxt hadisənin baş verdiyi Taksim meydanının yaxınlığında olan Skin sosial şəbəkədə "otelimizin çölündə böyük bomba partlayışı oldu, sarsıldım, amma yaxşıyam. Qorxunc səhnələr var" yazıb.

Səhnə adı "Skin" olan Debarah Anne Dyer İstanbulda terrordan əvvəl çəkdiyi bir fotonu paylaşaraq yazıb:

"Qorxunc partlayışdan əvvəl çəkilən gözəl İstanbul mənzərəsi. Ürəyim bu faciəyə tuş gələn insanlar və ailələrinin yanındadır".