Amerikalıların 72%-i şəxsi məlumatların saxlanması məsələsində “Facebook”a etibar etmir.

Modern.az xəbər verir ki, bu barədə Corc Meyson Universitetində “The Washington Post” və “Schar School” tərəfindən keçirilən sorğuda qeyd olunub.

Bu, sorğuda adı çəkilən bütün şirkətlər arasında ən pis nəticədir. Digər platforaların – “Instagram” (respondentlərin 60%-i) və “WhatsApp”ın (53%) göstəriciləri o qədər də yaxşı deyil.

Amerikalı istifadəçilərin antireytinqində ikinci yerdə Çinin “ByteDance” şirkətinə məxsus “TikTok” qərarlaşıb. Respondentlərin 63%-i əmindir ki, platforma öz istifadəçilərinin məlumatlarını lazımi qaydada saxlaya bilmir.