Dünən axşam saatlarında Polşanın Poznan şəhərindən havaya qalxdığı bildirilən yüngül təyyarənin uçuş trayektoriyası diqqət çəkib.

Dünyanın dörd bir yanından aviasiya məlumatlarını təqdim edən “Flightradar24” maraqlı görüntüləri yayımlayıb.

Təxminən dörd saat uçan təyyarə öz hərəkət trayektoriyası ilə “Müharibə etmə, pivə hazırla” sözlərini yazıb. Naməlum pilot “əl işinin” sonunda ürək işarəsi də “çəkib”.

Təyyarənin Poznanda yerləşən “Smart Aviation” adlı uçuş məktəbinə aid olduğu bildirilib.