"Survivor 2022" yarışmasının finalçılarından olan Batuhan Karacakaya ilə layihənin rəhbəri Acun Ilıcalı arasındakı gərginlik böyüyüb.

Cebhe.info Türkiyə mediasına istinadən xəbər verir ki, Batuhanın Acunu məhkəməyə verdiyi iddia olunur.

Buna səbəb Batuhanın yarışmada qazandığı dəyəri 3 milyon lirə olan avtomobilin ona təhvil verilməməsi olub.

O, artıq müsabiqənin finalından 1 ay keçməsinə baxmayaraq avtomobilini ala bilmədiyi üçün bu addımı atıb.

Xatırladaq ki, "Survivor 2022" yarışmasının finalında Nisa Bölükbaşının çempion olmasından sonra Batuhan Karacakaya nəticələrin həqiqəti əks etdirmədiyini açıqlayıb. Bunun ardınca isə layihə rəhbəri ilə onun arasında gərginlik yaranıb. Nəticədə, Batuhanın daha öncədən qazandığı avtomobil ona verilməyib.