Fransa jandarm qüvvələri 88 yaşlı aktyor Alen Delonun evindən onlarla odlu silah tapıb.

“Parisien” qəzetinin məlumatına görə, Delonun yoldaşı Hiromi Rollin aktyorun lazımi müalicə almamasından, evinin silahla dolu olmasından narahatlığını bildirib. Eyni zamanda Delonun evində olan tapança və ov tüfəngləri üçün icazələrinin olduğu müəyyənləşib.

Yanvarda Fransa məhkəməsi aktyorun əmək qabiliyyətini məhdudlaşdırıb. O, daşınmaz əmlakın satışı kimi mühüm işlər istisna olmaqla, başqa müstəqil hərəkətlər edə bilər. Bunun üçün məsuliyyət indi Delonun məhkəmə tərəfindən təyin edilmiş nümayəndəsinə həvalə edilib. 88 yaşlı kino ulduzunun səhhəti ilə bağlı onun ailə üzvləri və yaxın ətrafı arasında məhkəmə prosesləri davam edir. Belə ki, aktyorun kiçik oğlu Alen Fabyen atasının zəifliyindən sui-istifadə etdiyi iddia edilən bacısı Anuşkadan prokurorluğa şikayət edib.
Bundan əvvəl Hiromi Rollin Delonun övladlarını atalarını öldürməyə cəhddə ittiham etmişdi.

Mənbə: Mir24.tv