Əməkdar artist Ayşad Məmmədovun imkansızlıqdan avtomobili ilə “taksovatlıq" etməyi barəsində xəbər internet məkanında ildrım sürəti ilə yayıldı. Lakin təəsüf ki, bu xəbərlərdə aktyorun özündən açıqlamaya rast gəlmədik.

ATV.az məsələni araşdırmaq məqsədi ilə əməkdar artistə zəng etdi:

“Deyəsən, bəzi KİV-lər kino ilə real həyatı qarışdırırlar. Mən sonuncu dəfə Eldar Quliyevin “İstambul reysi” fimində “taksi” sürmüşəm. Belə bir yazı yazanda, ən azından mənim özümdən soruşmaq olardı. Düzdü, mənim maşınım var, lakin onu özüm üçün, ailəm üçün almışam, ondan taksi kimi istifadə etmək üçün yox! Teatrdakı maaş qane etməsə də, mən prezitent mükafatı alıram və “taksovatlıq” etməyə ehtiyyacım yoxdu. Bu xəbəri də kimin və nə məqsədlə yaymağını anlaya bilmirəm”.