Bu gün müğənni Mətanət Əsədova Zaur Kamalın aparıcısı olduğu “5/5” verilişinin qonağı olub.

Tanınmış ifaçı efir zamanı əsəbiləşərək müğənni Damlanın onunla bağlı dediyi sözləri xatırladıb. M. Əsədova xanım həmkarını yalan danışmaqda ittiham edib:

“O dəfə sənin bir qız qonağın var idi. Kimdi o? Damla. Söhbət plastik əməliyatlardan gedirdi. Mənim şəklimi monitorda göstərdiniz. O qız elə bil ki, mənim yanımda olmuşdu. Deyir ki, burnunu, bir də dodağını əməliyyat etdirib. Allaha and olsun ki, mən dodağıma heç nə etdirməmişəm. Burnum sınmışdı, onu da plastik əməliyyat etdirmək fikrim yox idi. Olmaz. Mən icazə vermirəm ki, mənim yaşıma uyğun, sənətimdən xəbərsiz… Olanı de. İnsan kiminsə haqqında o halda danışa bilər ki, yaşı, sənəti, başı ona uyğun olsun”.