Yunan polisi ölkələrinə qeyri-qanuni yollarla daxil olan Yəmən və Fələstinli bir qrup miqrantı saxladıqdan sonra döyüb.

Open.az türk mətbuatına istinadən xəbər verir ki, onlar miqrantların üzərindəki geyimləri çıxararaq Türkiyəyə göndəriblər.

Hadisə ötən gün baş verib. Edirne şəhərinin sakinləri miqrantlara yardım edib və öz paltarlarını geyindirərək, polisə təslim edib.

"Miqrantlar Yunanıstanda saxlanıldıqdan sonra döyülərək Türkiyəyə göndərilib. Hamısının kürəkləri və bədənlərində qançır izləri var idi Nə olduğunu soruşduqda yunan polisinin döydüyünü dedilər. Biz geyim verdikdən sonra polisə xəbər verdik", - deyə kənd sakinlərindən biri söyləyib.