Türkiyənin hüquq-mühafizə orqanları Ankaranın Atatürk bulvarında, Avstriyanın bu ölkədəki səfirliyinin binası yaxınlığında atəş açan şəxsləri saxlayıb.

"Report" "Anadolu" agentliyinə istinadən xəbər verir ki, bu barədə Ankara vilayəti qubernatorunun administrasiyasından bildirilib.

Məlumata görə, ərazidə avtomobildən havaya atəş açılıb. Hadisə ilə bağlı iki nəfər saxlanılıb.

İlkin istintaq müəyyən edib ki, şübhəlilər sərxoş vəziyyətdə olublar. Faktla bağlı təhqiqat aparılır.