Türkiyə parlamentinin sədri Binəli Yıldırım səlahiyyətlərinin icrasını dayandırır.

Trend-in məlumatına görə, bu qərar onun İstanbul bələdiyyə başçısı vəzifəsinə namizədlik niyyəti ilə bağlıdır.
Hələlik onun namizədliyinin rəsmi təsdiq olunmadığı bildirilir. Bu qərarın ölkə prezidenti Rəcəb Tayyib Ərdoğanın Cənubi Amerika səfərindən dönməsindən sonra, gələn həftə açıqlanacağı gözlənilir.

Qeyd edək ki, Türkiyədə bələdiyyə seçkiləri 2019-cu il martın 31-də keçiriləcək.