Türkiyə Hərbi-Dəniz Qüvvələrinin 3 dənizdə eyni zamanda gerçəkləşdirdiyi “Mavi Vətən 2019” təlimləri başa çatıb.

Publika.az xəbər verir ki, təlimlərdə iştirak edən 103 hərbi gəmi İstanbul boğazından keçid edib.

Aralıq, Egey və Qara dənizi əhatə edən təlimlərdə keçidlərini tamamlayan döyüş gəmiləri Qara dənizə doğru yol alıb.

Qeyd edək ki, “Mavi Vətən 2019” Türkiyənin respublika tarixində həyata keçirdiyi ən böyük hərbi təlimdir. Təlimlərin keçirilmə məqsədi Hərbi-Dəniz Qüvvələrinə bağlı birlik, gəmi və dəniz-hava vasitələrinin hərəkata hazırlıq səviyyəsini artırmaq və onları ssenarilərə, yerli coğrafiyaya uyğunlaşdırmaqdır.