Suriyanın İdlib şəhərindəki döyüşlər qızışandan sonra Türkiyənin Rusiya ilə münasibətləri soyuyub. Qardaş ölkə şimal qonşumuzu Suriya məsələsində səmimi mövqe ortaya qoymamaqda qınayır.
Bizimyol.info xəbər verir ki, ölkələr arasındakı gərginlik başqa müstəviyə çıxıb. Rusiyanın Ankaradakı səfiri Aleksey Yerxov həyatına təhlükə olduğunu bildirib.

Aleksey Yerxov
Onun dediyinə görə, sosial şəbəkələrdə türkiyəli istifadəçilər onu ölümlə təhdid edir. Buna görə də Türkiyə hökuməti Rusiyanın Ankaradakı səfirliyinin qorunmasını gücləndirib.

Səfirliyin mətbuat xidmətinin rəhbəri İrina Qasımova mətbuata açıqlamasında vəziyyətin gerçəkdən gərgin olduğunu bildirib. Diplomatik missiyanın sözçüsü hər hansı terror aktı gözləmədiklərini söyləyib. Buna baxmayaraq, təhlükəsizlik tədbirlərinin artırılmasının vacibliyini qeyd edib.