Türkiyə polisi ölkənin şərqində İran dövlət qeydiyyatı nişanı olan TIR-a baxış keçirən zaman yük hissəsindən 150 kq heroin aşkar edib.

KONKRET.az xəbər verir ki, bu barədə STAR məlumat yayıb.

Məlumata görə, sözügedən TIR-da narkotik vasitələrin olması ehtimalı barədə polisə məlumat daxil olub.

Ağrı vilayətində saxlanılan maşında aparılan axtarışlar nəticəsində ehtimallar təsdiqini tapıb və nəqliyyat vasitəsindən 149 kq 36 qram narkotik maddə olan heroin aşkarlanıb.

İran vətəndaşı olan yük maşınının sürücüsü saxlanılıb, araşdırma aparılır.