Türkiyə Aralıq dənizinin şərq hissəsində özünün və Kipr türklərinin haqqını qətiyyətlə qorumağa davam edəcək.

Axar.az xəbər verir ki, bunu Türkiyə Xarici İşlər Nazirliyinin sözçüsü Hami Aksoy deyib.

O bildirib ki, Yunanıstan Xarici İşlər Nazirliyi bu gün də açıqlama verərək “Oruc Rəis” gəmisinin Türkiyənin Aralıq dənizində kontinental şelf zonasında apardığı tədqiqatlara etiraz edib:

“Bu iddia və etirazlara Türkiyə olaraq iyul ayından bu günə kimi 6 açıqlama ilə cavab verilib. Bir daha bildiririk ki, Türkiyə Aralıq dənizinin şərq hissəsində özünün və Kipr türklərinin haqqını qətiyyətlə qorumağa davam edəcək. Yunanıstan hər dəfə etiraz etmək əvəzinə Türkiyənin dialoq çağırışlarına müsbət cavab verməlidir”.