Türkiyənin Aydın vilayətində qəribə fırıldaqçılıq hadisəsi baş verib.

Cebhe.info xəbər verir ki, vilayətin Quşadası bölgəsində naməlum şəxs 70 yaşlı Saliha Demiroğlunun 150 min TL dəyərindəki qızıllarını aldadaraq əlindən alıb. İzmir zəlzələsindən sonra yay evinə köçmüş Saliha Demiroğlunu aldadan şəxs özünü polis kimi təqdim edib.

Qadının dediyinə görə, qapını döyən şəxs “FETÖ əməliyyatı olacaq. Evinizə dinləyici yerləşdiriblər. Qızıllarınızı gətirin, sayaq, yoxsa övladlarınızı həbs edəcəyik” deyərək onu aldadıb.

Təlaşa düşən qadın qızılları gətirərək “polis”ə təqdim edib. Hazırda Quşadası Polis İdarəsi qadını soyan "polis"in axtarışlarını davam etdirir.