Türkiyənin İstanbul şəhərində qadın anasının başını kəsib.

“Sabah” xəbər verir ki, 35 yaşlı Tuğçe Sayın evi onun adına keçirmədiyinə görə 67 yaşlı anası Sevilay Palabıyıkla mübahisə edib.

Daha sonra o, anasını bıçaqlayaraq öldürüb, başını, qollarını və ayaqlarını bədənindən ayırıb və onları qazana tökərək bişirib.

S.Palabıyıkdan xəbər tuta bilməyən keçmiş əri Sayit Sayın vəziyyəti polisə və qonşulara xəbər verib.

Tuğçe Sayın gələn qonşulara anasının səyahətə getdiyini deyib.

Polislər evə gəldikdən sonra o, anasını öldürdüyünü etiraf edib. Hüquq-mühafizə işçiləri onu tutublar.

Məlum olub ki, o, dörd ildir ki, şizofreniyaya görə dərman içirmiş.