Bir müddətdir yayımladığı videolarla Türkiyə gündəmi çalxalayan türkiyəli mafioz, mütəşəkkil cinayətkar qruplaşmanın rəhbəri Sədat Pekər növbəti paylaşımı ilə yenə diqqəti öz üzərinə çəkib.

Axar.az-ın məlumatına görə, S.Pekər Tvitter səhifəsində növbəti videosunda Azərbaycanla bağlı danışacağını elan edib.

“Azərbaycandakı qruplaşmanın (burada çox güman ki, mafiya qruplaşması nəzərdə tutulur – red.) rəhbərliyində olan şəxsdən danışdığımda xeyli əylənəcəyik. Bir ştativdə kameraya məğlub olacaqsınız. Zəkaya hörmət etməyi öyrənəcəksiniz”, - deyə mafioz lider bildirib.

S.Pekərin kimləri və nəyi nəzərdə tutduğu məlum deyil.

Qeyd edək ki, S.Pekər son açıqlamaları ilə Türkiyədə siyasi gərginlik yaratmağı bacarıb. Türkiyə hüquq-mühafizə orqanları isə mütəşəkkil cinayətkar qruplaşma rəhbəri S.Pekər barədə CM-in bir neçə maddəsi ilə cinayət işi açaraq, onu axtarışa verib.

Facebook