Türkyə Suriyada atəşkəs zamanı milli təhlükəsizliyinə təhdid olarsa, "hərbi gücdən istifadə qaydalarına uyğun hərəkət edəcək". Trend-in TRT-yə istinadən verdiyi məlumata görə, bu barədə Türkiyə Prezidenti Administrasiyasının mətbuat katibi İbrahim Kalın bu gün mətbuat konfransında bəyan edib.

O bildirib ki, silahlı qüvvələrdən İŞİD və PKK-nın Suriya qanadı olan PYD və YPG-nin döyüşçüləri tərəfindən hər hahsı təhdid olan zaman istifadə edilə bilər.

İ.Kalın qeyd edib ki, Türkiyə Suriyada yerüstü hərbi əməliyyat aparmaq üçün heç bir hazırlıq görmür: "Biz dəfələrlə bildirmişik ki, yalnız beynəlxalq koalisiya qüvvələri çərçivəsində hərəkət edəcəyik".