Türkiyənin Kahramanmaraş vilayətinin Bertiz bölgəsində meşəlik ərazidə çıxan yanğını söndürən təyyarə dağa çırpılıb.

Sonxeber.az-ın məlumatına görə, bu barədə "Haber Global" xəbər verib.

Bildirilir ki, əraziyə axtarış-xilasetmə heyəti cəlb edilib.


Qəzanın səbəbləri məlum deyil.

"RİA Novosti"nin RF Meşə Təsərrüfatı idarəsinə istinadla verdiyi məlumatına görə, qəzaya uğrayan təyyarə Rusiyadan icarəyə götürülübmüş.

Türkiyə Meşə Təsərrüfatı İdarəsindən bildirilib ki, təyyarədə 8 nəfər olub: Onlardan altısı Rusiya komandasından idi, ikisi isə Türkiyə vətəndaşı olub.

Heyət üzvlərinin taleyi hələlik məlum deyil.