“TÜRKİYƏNİN SƏRHƏDLƏRİNİ TANIYIRIQ” – Paşinyan "soyqırım diasporun işidir" deyir

25-01-2022, 18:35           
“TÜRKİYƏNİN SƏRHƏDLƏRİNİ TANIYIRIQ” –
Ermənistanın Baş naziri Nikol Paşinyan yanvarın 24-də keçirdiyi onlayn mətbuat konfransında deyib ki, Ermənistan və Azərbaycan arasında sərhədin delimitasiya və demarkasiyası üzrə komissiya mümkün qədər tez yaradılmalıdır.

Ermənistanın Azərbaycana delimitasiya prosesinin işə salınması üçün hansı təklifləri verdiyi barədə suala cavab verərkən Paşinyan bu təklif barədə hələ Brüssel danışıqları zamanı Azərbaycan Prezidenti İlham Əliyevə məlumat verdiyini deyib. Baş nazirin sözlərinə görə, təklif bilavasitə delimitasiya barədə yox, sərhəddə təhlükəsizlik tədbirləri barədədir: “Qlobal mənada burda heç bir sirr yoxdur. Bu o təkliflərdir ki, mən bu barədə hələ may ayında demişdim. Yəni qoşunların sərhəddən simmetrik geri çəkilməsi barədə”.

Paşinyan bunu belə əsaslandırıb ki, Soçidə qəbil edilmiş üçtərəfli bəyanatda ikitərəfli komissiyanın yaradılması üçün Azərbaycan-Ermənistan sərhədində stabillik və təhlükəsizliyin səviyyəsinin artırılmasından söhbət gedir.

Nikol Paşinyan bildirib ki, erməni tərəfi yalnız Ermənistanın marağını əks etdirən sənəd hazırlamağa çalışmayıb: “Hazırda müzakirələr davam edir və biz işçi müzakirələrə mane olmamaq üçün bir çox detalları açmaq istəmirik. Biz hesab edirik ki, delimitasiya və demarkasiya üzrə komissiya mümkün qədər tez yaradılmalıdır. Bu çox vacibdir. Nə qədər tez olsa, bir o qədər yaxşı olar”.


Arazdəyən (Yerasx)-Culfa-Ordubad-Meğri-Horadiz dəmir yolu xəttinin işə salınması barədə danışarkən Paşinyan deyib ki, söhbət 205 milyon dollar investisiya qoyulmasından gedir və bu, Ermənistan üçün böyük məbləğ deyil: “Yəni burda maliyyə problemi olmayacaq. Biz praktikada razılığa gəlmişik. Bu razılaşmanı kağız üzərində təsdiq etdikdən sonra bu dəmir yolunun tikintisinə hazırlıq başlayacaq”.

Ermənistanın Türkiyədə keçiriləcək diplomatik foruma qatılıb-qatılmayacağı barədə suala cavab verərkən Paşinyan deyib ki, ölkəsinin bu forumda iştirak etməsinin ehtimalı böyükdür, amma son qərar həmin vaxt mövcud olacaq vəziyyət əsasında qəbul ediləcək.

Bundan əvvəl Türkiyənin xarici işlər naziri Mövlud Çavuşoğlu martın 11-dən 13-dək Antalyada keçiriləcək diplomatik foruma Ermənistanın da dəvət olunduğunu demişdi.

“Erməni soyqırımının” tanınması məsələsi barədə suala cavab verərkən Paşinyan deyib ki, bu barədə mövqeyini hökumət proqramında bildirib.

Nikol Paşinyan “Hay dat” – “Erməni məsələsi” ilə bağlı suala da cavab verib. Baş nazirdən Ermənistanın Türkiyə ilə Qars müqaviləsi əsasında çəkilmiş sərhədini tanımağa hazır olub-olmadığını da soruşublar.

O deyib ki, Ermənistan heç vaxt “Hay dat” siyasəti yürütməyib: “Bundan başqa 2005-ci ildə Robert Koçaryan demişdi ki, Ermənistanın Türkiyəyə heç bir ərazi iddiaları yoxdur. Əslində elə Serj Sarkisyan da bu bəyanata əsaslanmışdı. Yəni “Hay dat” heç vaxt Ermənistanın siyasəti olmayıb. Ermənistan heç vaxt Ermənistan-Türkiyə sərhədini şübhə altına almayıb. Siz bircə erməni lider və ya hökumət də tapa bilməzsiniz ki, Ermənistan-Türkiyə sərhədini şübhə altında qoysun. Biz də bu siyasətdən imtina etməyəcəyik”.

Paşinyan əlavə edib ki, “erməni soyqırımı”nın tanınması prosesinin hərəkətverici qüvvəsi həmişə diaspora və diaspora təşkilatları olub.шаблоны для dle 11.2


Loading...



Loading...





Loading...

Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.