Türkiyə Respublikasının Baş naziri Əhməd Davudoğlu aprelin 2-də Azərbaycan Respublikasının Prezidenti İlham Əliyevə telefonla zəng edib.

Avropa.info xəbər verir ki, bu haqda Azərbaycan prezidentinin mətbuat xidməti məlumat yayıb.

Türkiyənin Baş naziri Azərbaycan-Ermənistan qoşunlarının təmas xəttində baş vermiş son hadisələrdə hərbi qulluqçularımızın həlak olması ilə bağlı başsağlığı verib, Ermənistanın təxribatının qarşısının alınması ilə əlaqədar təbriklərini çatdırıb və öz dəstəyini ifadə edib.

Prezident İlham Əliyev Azərbaycan Ordusunun təmas xəttində Ermənistanın təxribatının qarşısınıqətiyyətlə aldığını və lazımi cavab verdiyini bir daha vurğulayıb.