İstanbulda Çeçen Edelgireyevi öldürən dəstənin üzvü olan 2 rus kəşfiyyatçı Türkiyə hüquq mühafizə orqanlarının xüsusi əməliyyatı ilə yaxalanıb.

Lent.az-ın Türkiyə KİV-ə istinadən məlumatına görə, ötən ilin noyabrın 1-də İstanbulda Çeçen komandiri Vahid Edelgireyevi öldürən iki rus agent 8 apreldə həyata keçirilən əməliyyat zamanı ələ keçib.

Rus kəşfiyyatçılar 52 yaşlı Yuri Anisimov və 55 yaşlı Aleksandr Smirnov sorğularında danışmaqdan imtina edib.

Rus polislərinin üzərindən saxta olduğu deyilən İnterpol vəsiqəsi, Rusiya dövlət rəsmisinə məxsus fotolar, USB yaddaş kartı, nömrə, 5 telefon, ardıcıl seriya nömrələri olan ABŞ dolları tapılıb.

Bildirilir ki, rus polisləri Avropa ölkələrində kəşfiyyat məqsədli fotolar çəkirmişlər. Hətta ölkələrdəki təhlükəsizlik kameralarının saatbasaat hərəkətini izləyib görüntüləyiblər.