Ərdoğan: “Küçədə bir-birini görüb salam verməyəcək altı nəfər bir masa ətrafında toplaşıb”
7-04-2022, 08:13
“Qarşıdan gələn seçkilər o qədər önəmlidir ki, küçədə bir-birini görüb salam verməyəcək altı nəfər bir masa ətrafında toplaşıb”.
Bu sözləri Türkiyə Prezidenti Rəcəb Tayyib Ərdoğan Türkiyədə 2023-cü ilin iyun ayında keçiriləcək prezident və parlament seçkilərindən danışarkən söyləyib.
R.T.Ərdoğan altı müxalifət partiyasının yaratdığı ittifaqa da münasibət bildirib:
“Buna bənzər ittifaq Macarıstanda da olmuşdu. Onların təlimatları haradan aldıqları məlumdur. Ortada razılaşdırdıqları bir proqram yoxdur, Proqram deyə ortaya çıxardıqları mətn xaricdə hazırlanıb onlara verilib”.
R.T.Ərdoğan 2023-cü ilin seçkilərində altı müxalifət partiyasına dərs verəcəklərini vəd edib.
Qeyd edək ki, bir müddət əvvəl Türkiyənin altı müxalifət partiyasının lideri prezident üsul-idarəsinin parlamentar sistemlə əvəzlənməsi üçün bir araya gəlib.