İstanbulun Tuzla hərbi piyadə məktəbinin şəhərciyində yerləşən sursat anbarında yanğın baş verib.

APA İHA-ya istinadən xəbər verir ki, yanğın gecə saat 02:00 radələrində baş verən partlayışdan dərhal sonra başlayıb.

Türkiyə Müdafiə Nazirliyindən verilən açıqlamaya görə, yanğınsöndürənlərin müdaxiləsi ilə yanğın nəzarət altına alınıb. Hadisədə ölən və yaralanan olmayıb. Partlayışın səbəbi araşdırılır.