Bu gün Türkiyənin Bursa vilayətinin Osmanqazi rayonunda təyyarə qəzası olub. Hadisə Bursanın Yunuseli Hava Limanı yaxınlarında, yaşayış ərazisində baş verib.
Modern.az xəbər verir ki, təyyarə qəzası zamanı pilot və onun tələbəsi həlak olub. İlkin məlumata əsasən, hadisənin yaşayış bölgəsində baş verməsinə baxmayaraq, əhali arasında xəsarət alan olmayıb.
Qəzadan sonra təyyarədə baş verən yanğın söndürülüb. Hadisə ilə bağlı açıqlama verən Bursa valisi Yakup Canbolat Yunuseli Hava Limanından təlim məqsədilə havaya qalxan təyyarənin texniki səbəbdən qəzaya uğradığını bildirib.
Türkiyə mediasında təyyarə qəzasının baş vermə anının görüntüləri yayılıb. Həmin görüntüləri təqdim edirik: