Türkiyə yunanların iddialarını rədd etdi
Yunanıstan qırıcılarının hava məkanımızı pozması hallarını kəskin qınayırıq.

Buta.ws xəbər verir ki, bu barədə Türkiyə Xarici İşlər Nazirliyinin sözçüsü Tanju Bilgiç deyib.

“Yunanıstanın Hərbi Hava Qüvvələrinə məxsus F-16 qırıcıları 16 may tarixində Gökçeadanın qərbində, 17 mayda isə Enezin qərbində hava məkanımızı pozmuşdur. Hava Qüvvələrimiz bu provokativ addımlara adekvat cavabı müvafiq qaydalar çərçivəsində 18 may tarixində verib”, - deyə sözçü bildirib.

O, eyni zamanda Yunanıstan XİN-nin bu çərçivədə Ankaraya qarşı iddialarını da əsassız adlandırıb və rədd edib.