“İmran Niyazi ölkədə vətəndaş müharibəsi başlatmaq istəyir. Amma yanılır. Xalq onu günahına görə heç vaxt bağışlamayacaq və yaxasından yapışacaq”.

Pakistanda nəşr olunan “Dawn” qəzeti xəbər verir ki, bunu Baş nazir Şahbaz Şərif müxalif PTI-nin (Pakistan Təhrik-i İnsaf Partiyası) mayın 25-də İslamabadda keçirməyi planlaşdırdığı uzun yürüşlə bağlı sualı cavablandırarkən deyib. Hökumətin bu uzun yürüşü dayandırmaq üçün ordudan istifadə edib-etməyəcəyini soruşduqda, Baş nazir deyib ki, buna lazım gələrsə qərar veriləcək.

Baş nazir deyib ki, cənab Niyazi hakimiyyətdə olduğu üç il yarım ərzində bütün vaxtını siyasi rəqiblərini qurban verməyə həsr edib və sosial layihələrə vaxt ayırmayıb: “Keçmiş Baş nazirin müxalifət liderlərini qurban vermək üçün NAB-nin (Milli Hesabatlılıq Bürosu) əsəbləri üzərində oynamağa davam edərkən, kütlənin rifahı haqqında düşünmək üçün bir anı belə olmadı”.

Baş nazir İmran Xanı PTI-nin Multan mitinqində Məryəm Nəvazın (keçmiş Baş nazir Nəvaz Şərifin qızı) ünvanına nalayiq ifadələr işlətdiyinə görə qınayıb və xalqın bundan utanaraq başını buladığını deyib.


Eyni məsələ ilə bağlı danışan daxili işlər naziri Rana Sanaullah deyib ki, əgər koalisiya hərəkətə keçsə, etirazçıların evlərindən belə çıxmasına icazə verilməyəcək.

Ötən axşam televiziya çıxışında PTI rəhbərliyinin sülhsevər qalacağına söz verdiyini bildirdikdə, Rana Sanaullah İmran Xana etibar etmədiyini bildirərək, “onun yalan danışmaq və dönüşlər etmək vərdişləri var. PTI və onun işçilərinin keçmiş təcrübəsini nəzərə alaraq, onların İslamabada anarxiya yaratmaq niyyəti ilə gələcəklərindən ehtiyat edirəm”, deyib.

Nazir bildirib ki, şəxsən o, narkotik qaçaqmalçılığı iddiasında aylarla həbsdə saxlandığı kamerada İmran Xanı üç gün saxlamaq istəyərdi. “Üç gün barmaqlıqlar arxasında qalması onun içindəki siyasəti siləcək”.