"Prokurorluq" edən azərbaycanlı qız həbs edildi - QIZIL DİŞ əməliyyatı

28-06-2022, 11:49           
"Prokurorluq" edən azərbaycanlı qız həbs edildi - QIZIL DİŞ əməliyyatı
Türkiyədə azərbaycanlı gənc qız dələduzluqda ittiham olunub. Teref.az lent.az-a istinadla bildirir ki, hadisə Denizli şəhərində qeydə alınıb. Belə ki, azərbaycanlı 22 yaşlı Ləman Nuriyeva Perihan .Ç adlı qadına zəng edərək özünü prokuror kimi təqdim edib. Daha sonra həmin qadına evindəki qızıl və pulların FƏTO/PYD-yə aid olduğunu deyib və bağlama ilə həmin pulları alıb.

Aldadıldığını başa düşən qadın hüquq-mühafizə orqanlarına xəbər verib.

Polis və prokurorluq əməkdaşları axtarışa verilən azərbaycanlı qızın ağzında qızıl diş olduğunu öyrəniblər. Buna görə, onlar Ləmanı tutmaq üçün keçirdikləri əməliyyata “qızıl diş” adı veriblər.

Axtarışlar nəticəsində gənc qızın bir əyləncə mərkəzində olduğu bilinib. Məhz həmin qızıl dişi sayəsində gənc qız saxlanılaraq istintaqa təhvil verilib.

Hazırda araşdırmalar davam edir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.