Qazaxıstan prezidenti Kasım-Comert Tokayev hesab edir ki, bu gün hamı investisiya kapitalı uğrunda qlobal savaşın şahididir.

TEREF publika.az-a istinadla xəbər verir ki, Qazaxıstanın dövlət başçısı hökumətin geniş iclasında bildirib ki, müharibəyə qədər Rusiyada fəaliyət göstərən təxminən 1.400-ə yaxın xarici şirkətin böyük əksəriyyəti ya işini dayandırıb, ya da Rusiya bazarından tamamilə gedib.

O, hökumətə həmin xarici şirkətlərin Qazaxıstanda relokasiyası üçün əlverişli şərait yaratmağı tapşırıb:

"Bu bizə orta və yuxarı səviyyələrdə məhsul istehsalını artırmaq üçün yaxşı imkanlar yaradacaq".

Qeyd edək ki, bir qədər əvvəl də Qazaxıstan prezidenti respublikada rahat relokasiya şəraitini yaratmaq üçün hökumətə tapşırıq vermişdi.