Türkiyə parlamentinin konstitusiya komissiyasının iclasında millət vəkillərinin toxunulmazlıqlarının aradan qaldırılması ilə bağlı müzakirələr zamanı PKK-nın siyasi qolu HDP-dən olan deputatlar növbəti dəfə dava salıblar.

Avropa.info xəbər verir ki, millət vəkilləri arasında başlayan söz mübahisəsi bir anda davaya çevrilib. Vəkillər, təpik və yumruqlarla bir-birinə girib. Dava zamanı HDP-li deputat İdris Baluken stolun üstünə çıxaraq AKP-dən olan millət vəkillərinə hücum edib. Lakin, onun yanında olan digər HDP-li deputat Sirri Sürəyya Öndərin davadan qaçması ilə Baluken tək qalıb. Ağır zərbələr alan və döyülən PKK müdafiəçisi olan deputatın çiyini çıxıb.

Qeyd edək ki, dava-dalaşa baxmayaraq haqlarında dosye toplanan HDP-çi deputatların toxunulmazlıqlarının aradan qaldırılması AKP, CHP və MHP-nin səsləri ilə qəbul edilib.