Türkiyənin altı partiyadan ibarət olan müxalifət ittifaqı may ayında keçirilməsi planlaşdırılan seçkilərdəki namizədini fevralda elan edəcək.

Cebhe.info xəbər verir ki, bu barədə “Reuters” yazıb.

Cümhuriyyət Xalq Partiyasının (CHP) başqanı Kamal Kılıçdaroğlunun müşaviri Ünal Çeviköz jurnalistlərə açıqlamasında “Prezidentliyə namizədin adı yəqin ki, fevralda açıqlanacaq”,- deyib.

“Altılı masa” vahid platforma yaratmağı hədəfləyir, lakin qarşıdan gələn seçkilərdə Ərdoğana qarşı mübarizə aparacaq namizədlə bağlı hələ razılığa gələ bilməyib.

Çeviköz bildirib ki, 6 müxalifət partiyasının liderləri yanvarın 30-da parlament sisteminə keçid dövrü ilə bağlı təkliflərini verəcək, gələcək hökumətin proqramı ilə bağlı çıxış edəcəklər.