Yevlaxda məscid tikdirən türkiyəli deputat vəfat etdi - ÜRƏYİ YETMƏDİ...
9-02-2023, 17:15
Yevlaxda məscid tikdirən türkiyəli deputat vəfat etdi Türkiyə Böyük Millət Məclisinin (TBMM) sabiq deputatı Adnan Türkoğlu vəfat edib. TEREF.AZ AzVision.az-a istinadla xəbər verir ki, bu barədə Türkiyənin Azərbaycandakı fövqəladə və səlahiyyətli səfiri Cahit Bağcı tviter səhifəsində başsağlığı verib.
"19-cu çağırış Çorum millət vəkilimiz Adnan Türkoğlu qardaşın vəfatını təəsüflə öyrəndim. Ürəyi məmləkətlə və Türk dünyası ilə döyünən siyasətdə örnək bir insan idi. Xidmət üçün təyin olunanda 1993-cü ildə Azərbaycanın Yevlax rayonunda bir məscid inşa etdirdiklərini demiş, baş çəkməyimi tövsiyə etmişdi. Allah rəhmət eləsin", - deyə səfir yazıb.
Qeyd edək ki, 1950-ci ildə anadan olan eks-parlamentari 73 yaşında infarktdan dünyasını dəyişib.