Bu gün yerli vaxtla 09:18-də İran ərazisində maqnitudası 5.1 olan zəlzələ baş verib.

AMEA nəzdində RSXM-nin Zəlzələlərin tədqiqatı bürosundan APA-ya verilən məlumata görə, zəlzələ Azərbaycanın həmsərhəd rayonlarında və ona yaxın ərazilərdə 5-3 bala qədər hiss olunub.

09:38

İlkin məlumatlara əsasən, Azərbaycanla İran sərhədində zəlzələ qeydə alınıb.

Bu barədə APA-ya Respublika Seysmoloji Xidmət Mərkəzindən bildirilib.

Qeyd edilib ki, 09:18-də baş verən 5.1 maqnitudalı zəlzələ sərhəd rayonlarında - Yardımlı, Lerik, Saatlı, Ağdamda hiss olunub.

09:31

Azərbaycanda zəlzələ olub.

Bu barədə APA-ya Respublika Seysmoloji Xidmət Mərkəzindən bildirilib.

Qeyd olunub ki, yaxın dəqiqələrdə ətraflı məlumat veriləcək.

09:24

Lənkəranda zəlzələ olub.

APA-nın cənub bürosunun verdiyi məlumata görə, saat 09:19 radələrində Lənkəranda zəlzələ baş verib.

Yeraltı təkan təxminən 3-4 bal arasında hiss edilib.

Zəlzələ Cəlilabadda da hiss edilib.