Hurriyyet.az Türkiyənin “Hürriyet” qəzetinə istinadla xəbər verir ki, Somali Prezidentinin oğlu Məhəmməd Həsən Şeyx Mahmud diplomatik missiyaya məxsus avtomobillə 30 noyabr tarixində İstanbul şəhərində qəza törədib, motosikletçini vurub. Avtomobil qəzası nəticəsində yaralanan Türkiyə vətəndaşı, kuryer işləyən 38 yaşlı, 2 uşaq atası (uşaqlardan biri xəstədir) Yunus Emre Göçer hadisədən 6 gün sonra reanimasiyada vəfat edib.

Mətbuatın yazdığına görə, Somali Prezidenti Həsən Şeyx Mahmudun oğlu səfirliyin əməkdaşı olmadığından diplomatik avtomobilin sükanı arxasında oturmaq hüququna malik olmayıb.

Dekabrın 7-də açıqlanan ekspert hesabatında həlak olan motosiklet sürücüsünün qaydanı pozmadığı, əksinə şübhəli Məhəmməd Həsənin qayda pozuntusu etdiyi bəyan edilib.