Rusiya Federal Baytarlıq və Fitosanitar Nəzarət Xidməti (Rosselxоznadzor) Türkiyəyə tətbiq olunan embarqonun ləğv edilməsinə hazır olduğunu açıqlayıb.

Axar.az xəbər verir ki, bu barədə qurumun nümayəndəsi Yuliya Melano məlumat verib.

Onun sözlərinə görə, Rusiyanın əsas tələbi Türkiyənin bitki təhlükəsizliyi ilə bağlı proseduru sürətləndirməsidir. Məhz bundan sonra embarqo ləğv olunacaq:

“İxrac edilən məhsulların sağlam olması üçün çalışan türk səlahiyyətlilər təəssüf ki, Rusiyanın tələblərini tam olaraq yerinə yetirməyib. Bu gün türk həmkarlarımızdan bu addımı atmağı gözləyirik. Yalnız bundan sonra texniki qadağanı aradan qaldıra bilərik”.