PKK terror təşkilatının gənclər qolu olan YDG-nin Egey bölgəsi üzrə lideri Türkiyə Milli İstihbarat Təşkilatı və polisin birgə keçirdiyi əməliyyat nəticəsində yaxalanıb.

Avropa.info Türkiyə mətbuatına istinadən xəbər verir ki, həbs olunan T.A.nın Şimali İraq bölgəsində həm silahlı, həm ideoloji təhsil aldığı bildirilir.

Terrorçunun şərqi və cənub-şərqi Anadolu bölgələrində xəndək qazma hadisələrini Egey bölgəsində təkrarlamağı planlaşdırdığı üzə çıxıb. T.A-nın gəncləri və uşaqları aldadaraq əhəmiyyətli günlərdə küçəyə çıxarıb polislə qarşı-qarşıya gətirmək üçün planları da istintaqa bəlli olub.