Türkiyənin Marmaris kurort sahillərində turist gəmisi yanıb, 4 sərnişin xəsarət alaraq xəstəxanaya yerləşdirilib.

Redaktor.az xəbər verir ki, bu barə “DHA” agentliyi məlumat yayıb.

Məlumata görə, yirmi metrlik taxta gəmi naməlum səbəbdən qəflətən alışıb. Bir qrup xarici turist yanan gəmidən suya tullanaraq xilas ola bilib, digər qrup isə qonşu yaxtaların, gəmilərin və sahil mühafizəsinin əməkdaşları tərəfindən xilas edilib.

Gəmidən 39 nəfər təxliyə edilib, 4 nəfər yanıq xəsarəti ilə xəstəxanaya çatdırılıb.

Sahil mühafizəsi yanğını söndürüb.