"Türkiyə İsrailin Qəzza sakinlərinə qarşı törətdiyi cinayətlərin cəzasız qalmaması üçün səy göstərəcək".
Bu barədə Beynəlxalq Ədalət Məhkəməsinin İsraillə bağlı qəbul etdiyi qərar ilə bağlı Respublika Xarici İşlər Nazirliyinin bəyanatında deyilir.

"Beynəlxalq Ədalət Məhkəməsi iyulun 19-da verdiyi məşvərət rəyində İsrailin Fələstində işğalçılıq siyasəti yürütdüyünü de-yure təsdiqləyib. İsrailin Qəzza xalqına qarşı törətdiyi və soyqırım sayılan cinayətlərin cəzasız qalmaması üçün səylərimizi davam etdirəcəyik", - deyə məlumatda qeyd edilib.

Beynəlxalq Ədalət Məhkəməsi daha əvvəl İsrailin Fələstin ərazilərində mövcudluğunu qeyri-qanuni elan edən məsləhət xarakterli qərar verib.