Suriya və Türkiyə birgə müdafiə sazişi imzalayacaqlar.
Türkiyə hakimiyyəti Suriyada iki hərbi baza qurub, orada F-16 qırıcıları yerləşdirə bilər.
Bu barədə Türkiyənin "Türkiye" nəşri bəzi ərəb mənbələrinə istinadən xəbər verir.
Jurnalistlərin fikrincə, bu, iki ölkə arasında yaxın zamanda imzalanacaq birgə müdafiə haqqında saziş çərçivəsində baş verəcək. Sənədə əsasən, Türkiyə Dəməşqə qəfil təhdidlərlə üzləşdiyi təqdirdə yardım etməli olacaq, həmçinin suriyalı hərbçilərə və pilotlara təlim keçəcək.
"Türkiyə Suriyada iki hərbi baza quracaq. Türkiyə ölkənin suverenliyinə qarşı yönələ biləcək hər hansı hücumun qarşısını almaq üçün tikinti başa çatana qədər bu bazalarda 50 ədəd F-16 qırıcısını yerləşdirəcək", - nəşr yazır.
Yanvarın 31-də Türkiyənin xarici işlər naziri Hakan Fidan Rusiya xarici işlər naziri Sergey Lavrovla telefonla danışıb. Nazirlər Suriyadakı vəziyyəti, eləcə də digər regional məsələləri müzakirə ediblər.
Bu yaxınlarda Türkiyə lideri Rəcəb Tayyib Ərdoğan bəzi qüvvələrin Suriyanı ələ keçirməyi asanlaşdırmaq üçün onu üç yerə bölməyə çalışdığını bildirib. Lakin Türkiyə Suriyanın parçalanmasına imkan verməyəcək və bu cür hadisələrin qarşısını almaq üçün tədbirləri tez bir zamanda görməyə hazırdır.