Qırğızıstanın İssık-Kul vilayətində yanacaqdoldurma məntəqəsində baş verən partlayış nəticəsində biri uşaq olmaqla 2 nəfər yanaraq ölüb, 8 nəfər yaralanıb.

APA-nın xəbərinə görə, bu barədə Qırğızıstan Səhiyyə nazirliyinin məlumatında bildirilir.

Hadisə İssık-Kul vilayətinin Ananyevo kəndində qeydə alınıb. Xəstəxananın reanimasiya şöbəsinə yerləşdirilən 5 nəfərin vəziyyəti ağır kimi qiymətləndirilir.

İlkin versiyaya görə, hadisə stansiyanın yeraltı qaz çənində qaz sızması nəticəsində baş verib.