Türkiyə Şərqi Qüdsdəki fələstinlilərə dəstək verir və şəhərin müsəlman kimliyini gücləndirməyə çalışır.

Axar.az xəbər verir ki, bu iddia ilə İsrailin Baş naziri Benyamin Netanyahuya yaxınlığı ilə tanınan "İsrael Hayom" qəzeti çıxış edib.

"Ərdoğanın Əqsa məscidində güclənməsi" başlığı ilə qəzetin yayımladığı məqalədə qeyd edilir ki, Osmanlı imperiyasının süqutudan bir əsr sonra Türkiyə qurumları şəhərin şərqinə milyonlarla dollar xərcləyərək müsəlman dövləti üçün böyük səy göstərir.

Qəzet Türk Əməkdaşlıq və Koordinasiya Agentliyi Rəhbərliyinin (TİKA) Şərqi Qüdsdəki fəaliyyətlərinə diqqət çəkərək, TİKA-nın 2004-cü ildən bəri 63 layihəni başa vurduğunu və bu layihələrə milyonlar xərclədiyini bildirib.