Xalqların Demokratik Partiyası sədri Səlahəddin Dəmirdaş Belçikanın paytaxtı Brüsselə müəmmalı şəkildə səfər edib. Axar.az xəbər verir ki, son günlər Türkiyədə siyasi gərginliyin davam etdiyi bir vaxtda Dəmirdaşın Brüsselə səfəri heç də birmənalı qarşılanmayıb. Dəmirdaş açıqlamasında səfərinin məqsədi kimi PKK ilə yaşanan qarşıdurmanın həlli prosesini sürətləndirmək olduğunu bildirib. Brüsseldə Kürdüstan İcmaları Birliyinin (KCK) üzvü Zübeyir Aydar və "Konqre-Gel" həmsədri Rəmzi Qartalla görüşən Dəmirdaş KCK-nın Abdulla Öcalanla görüş keçirmədən son hadisələrlə bağlı qərar verməyəcəyini bildirib.