Vaşinqton S-400-ü Ankaraya tövsiyə etmir və Türkiyəyə alternativ zenit-raket kompleksləri təqdim etməyə hazırdır.

Axar.az xəbər verir ki, bu sözləri Pentaqon rəhbəri Ceyms Mattis deyib.

“Hazırda uyğun olmayan raket sistemləri bir bölgəyə gətirilir. Bu da NATO-nun mənafeyinə uyğun gəlmir”, - deyə Mattis bildirib.

Qeyd edək ki, Rusiya lideri Vladimir Putinlə türkiyəli həmkarı Rəcəb Tayyib Ərdoğan arasında baş tutan görüşdə S-400-lə bağlı razılığa yekun vurulub və bu zenit-raket komplekslərinin yaxın zamanda Türkiyəyə gətiriləcəyi gözlənilir. ABŞ isə əvvəllər satmadığı "Patriot"u hazırda Türkiyəyə verməyə hazır olduğunu, bunun üçünsə NATO dövləti olan Türkiyənin S-400-dən imtina etməsinin vacibliyini bildirir.