Azərbaycan Respublikasının İstanbuldakı baş konsulu Məsim Hacıyev şəhərin bələdiyyə sədri Mövlud Uysal ilə görüşüb. Baş konsulluqdan APA-nın Türkiyə bürosuna bildirilib ki, görüşdə Məsim Hacıyev Türkiyə ilə Azərbaycanın arasındakı arasında dərin köklərə malik qardaşlıq münasibətləri barədə danışıb. Məsim Hacıyev aprelin 11-də keçirilən prezident seçkilərində baş konsulluqda təşkil edilən seçki məntəqəsinin fəaliyyəti barədə İstanbulun bələdiyyə sədrinə məlumat verib.



İstanbul bələdiyyəsinin sədri Mövlud Uysal isə yenidən prezident seçilməsi münasibəti ilə İlham Əliyevi təbrik edib. Mövlud Uysal bələdiyyəçilik sahəsində iki qardaş ölkə arasındakı münasibətlərin dərinləşdirilməsi üçün görülə biləcək işlərdən danışaraq, bu sahədə İstanbul bələdiyyəsinin öz üzərinə düşən hər bir işi yerinə yetirməyə hazır olduğunu vurğulayıb.