24 iyunda Türkiyədə keçiriləcək prezident və parlament seçkiləri üçün səsvermə sona çatıb. AzEuroNews.com alman panorama-news.de saytına istinadən xəbər verir ki, səsvermə iyunun 7-si Türkiyənin 60 xarici ölkədə olan 123 nümayəndiliyində başlayıb.

Almaniya, Belçika və Lüksemburqada yaşayan 700 mindən çox Türkiyə vətəndaşı səsvermədə iştirak edib. Büllitenlər Türkiyə Hava Yollarına aid təyyarə ilə Berlin, Köln və Münxendən Türkiyəyə yola salınıb.

Büllitenlər Türkiyə Xarici İşlər Nazirliyinə aid torbalarda göndərilmədən öncə Hannover, Hamburq və Berlində toplanıb.

Torbalar Türkiyənin Almaniyadak səfirliyinin əməkdaşları ilə bərabər müxalif partiyaların üzvlərinin gözü qarşısında təyyarəyə yüklənib.

Xatırladaq ki, Türkiyədə iyunun 24-də keçiriləcək parlament və prezident seçkilərində 11 siyasi partiya iştirak edəcək.