İki türk əsgərini diri-diri yandıran İŞİD cəlladı Suriyada atışma zamanı məhv edilib. FaktXeber.com-un Daily Mail-ə istinadla verdiyi məlumata görə, Əbu Təlha əl-Türki «Suriya Demokratik Qüvvələri» tərəfindən öldürülüb.

Qeyd edək ki, Sefter Taş və Fethi Şahini vəhşicəsinə qətlə yetirilməsindən sonra cəlladın başına 243 min funt sterlinq mükafat təyin olunmuşdu.

Əl-Türki ləqəbi ilə tanınan Talib Akkurt Suriyanın şərqində Həccin şəhərndə iyunun 7-də məhv edilsə də, bu barədə indi xəbər verilib. Onun öldürüldüyü barədə ilk məlumatı terrorizmlə bağlı informasiyaları paylaşan Merilend Koordinasiya və Analiz Mərkəzi verib.

Əl-Türki və onun türkiyəli əlaltıları Həsən Aydın və Muhiddin Büyükangoz İŞİD-in türklərdən ibarət «Yasar»bölməsinin üzvü olub.

Sefter Taş və Fethi Şahin Türkiyə jandarmeriyasının kəşfiyyatçıları olublar.

Xatırladaq ki, 2016-cı ilin sonlarında İŞİD terror təşkilatı türk əsgərlərini yandırılma yolu ilə edam videosunu paylaşmışdı.