Polis generalı ilə Paşinyan arasında sərt mübahisə - “BACARMIRSAN İŞDƏN ÇIX, KAZARYAN MƏŞĞUL OLAR...”

18-09-2019, 09:27           
Polis generalı ilə Paşinyan arasında sərt mübahisə - “BACARMIRSAN İŞDƏN ÇIX, KAZARYAN MƏŞĞUL OLAR...”
Ermənistan polisinin rəisi, general-mayor Valeri Osipyan baş nazir Nikol Paşinyanla Təhlükəsizlik Şurasının iclasında sərt mübahisə edib və istefa ərizəsi yazıb. Virtualaz.org xəbər verir ki, bu haqda erməni KİV-ləri yazır.

Məlumata görə Təhlükəsizlik Şurasının iclasında bir sıra daxili məsələlər, o cümlədən Milli Təhlükəsizlik Xidmətinin direktoru Artur Vanetsyanın istefası və Amulsaran qızıl yatağına gedən yolun ətraf mühit fəalları tərəfindən blokadaya alınması müzakirə olunub.

Paşinyan qızıl yatağına gedən yolun açılmasını tapşırıb. Lakin Osipyan deyib ki, yolun açılmasına dair əməliyyatın hamar keçəcəyinə inanmır və fəallara qarşı güc tətbiq edilsə müəyyən nəticələr doğuracaq.

Bu cavab Paşinyanı qəzəbləndirib. Deyib ki, əgər Osipyan yolu açmağa qadir deyilsə kənara çəkilsin, onun əvəzindən yolun açılması əməliyyatını polis qoşunlarının komandanı, general Vaqe Kazaryan həyata keçirəcək. Hansı ki, Kazaryanın Milli Təhlükəsizlk Xidmətinin direktoru vəzifəsinə namizədliyi nəzərdən keçirilir.

Gərgin tonda gedən söhbət onunla nəticələnib ki, Polis rəisi istefa ərizəsi yazıb və Paşinyana təqdim edib. Osipyanın istefasının bu gün açıqlanacağı gözlənilir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.