“Rusiya ordusu nəinki dünyada, Ukraynada belə ikincidir” - Blinken

3-06-2023, 08:04           
“Rusiya ordusu nəinki dünyada, Ukraynada belə ikincidir” - Blinken
Rusiya ordusu indi Ukraynaya genişmiqyaslı hücumdan əvvəl olduğundan daha pis vəziyyətdədir.

Bunu Helsinkidə çıxışı zamanı ABŞ dövlət katibi Antoni Blinken deyib.

“Çoxları əmin idi ki, Rusiya ordusu dünyada ikincidir. Çoxları buna inanırdı. İndi biz görürük ki, o, Ukraynada belə ikincidir”, - Blinken deyib.

Dövlət katibi Rusiyanın Ukraynaya qarşı müharibəsini “strateji uğursuzluq” adlandırıb. Onun sözlərinə görə, müharibə Rusiyanın illər sonrası üçün hərbi, iqtisadi və diplomatik gücünü və təsirini azaldıb.

O, həmçinin Rusiyanın Ukraynanın şərqində ələ keçirdiyi ərazilərə nəzarət etdiyi müddətcə atəşkəs çağırışlarını rədd edib.

“Bu, ərazinin Rusiya tərəfindən zəbt edilməsini qanuniləşdirir. Bu, təcavüzkarı mükafatlandıracaq, zərərçəkmişi isə cəzalandıracaq”, - o bildirib. (Mənbə: rbc.ua)












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.